Autismoaren inguruko ikerketa berri bat

Bieztatuta dago autismoa duten edo garatuko duten haurren burmuina handiagoa dela autismoa ez dutenen haurrena baino. Ez ez ezagutzen bolumenare hazkunde hori neuronen kantitateagatik edo tamainagatik bazen, zelula ez-neuronal gehiago izateagatik edota neuronen luzapenak luzeagoak izateagatik.

Eric Courchesneren taldeak egindak eta Journal of the American Medical Association (JAMA) n agertzen den ikerkuntza batek galdera honen erantzuna aurkitu du: autimoa duten haurrek neurona gehiago dute.

Autismoa duten umeen hainbat familiek burmuineko azala eman zuten ikerkuntzaz arduratzen ziren pertsonei. Modu honetan autismoa duten haurren burmuinak aztertzea ahalbidetu zen.

Ikerkuntza zazpi umerekin egin zen, bi eta hamasei urte bitartekoak.

Ikertzaileek teknika estereologikoak erabili zituzten.

Emaitzek baieztatu zuten autismoa duten umeek %67 neurona gehiago dituztela (1.940 milioi gutxigorabehera), autismoa ez duten haurrek, aldiz,1.160 milioi inguru.

Beraz, ikerketa honen bidez, ikusi ahal izan dugu autismoa duten umeek neurona kopuru handiago dutela, autismoa ez duten haurrekin alderatuz.

Kaixo irakurleak!
"Maria y yo" pelikularen laburpena moduko bat aurkitu dut eta uste dut zuei erakustea ezinbestekoa dela.
Bideoan Maria neska autistaren bizitza azaltzen da. Bertan azaltzen du zelan bere familia, Maria jaio ondoren,hainbat jokaera arraro sumatzen hasi zirela, ez zuen entzuten, ez zituen euren besarkadak erantzuten...
Bideoan bere bizitza organizatua azaltzen zaigu: 8.00 etan esnatu, 8.15 etan jantzi, 8.30 etan gozaldu...
Hainbat esparrutan dituen zailtasunak ere ikusteko aukera eskaintzen digu bideo honek: zapatak lotu, telefonoz dei egin, bakarrik dutxatu... Hala ere, hainbat esparrutan dituen erraztasunak ere ikusi ditzakegu: jateko kontzentrazioa, paperak mozteko zehaztasuna, memoria...

BESTEEN AURREAN BERE BURUA DEFENDATZEKO BERE UNIBERTSOAN BABESTEN DELA dio

autismoaren kasu erreala.

Artikulu honetan ama batek bere semearekin egiten duen lana aurkezten da, ume bat, bere begietan beste umeek duten distira berbera duena. Autista.


Anabel Cornago, bere denbora erabiltzen du bere semearekin ikasteko eta bere esperientzia mundu guztairekin konpartitzeko blog baten bidez.

Bere motibazioa eta ekimena erakusteko eskatu diogu.Hona hemen:


" Gustatuko litzaidake, autismoa, pertsona desberdin eta zorigaiztoen sinonimoa denaren ideia behingoz alde bater uztea eta jendeak ez pensatzea euren munduan isolaturik bizi direla sentimendurik gabe.
Erik, lau urte eta erdiko mutikoa, autismoa du. Ume liluragarria da eta lagunartean jolastea gustoko du. Emozioak erakusten dituen irribarrea dauka. Bai, Erik bide guztietatik komunikatzen saiatzen da: hitz egiten du, bi hizkuntzetan mintzatzen da... baina ez da gauza erraza berarentzat.

Autismoa duten pertsonek pentsatzeko  modu desberdin bat dute, baina euren pertzepzio arazoa dela eta, erlazio sozialak ulertzeko zailtasunak dituzte. Horregatik, batzuetan zapuztu egiten dira eta ziurtasuna ematen dieten errutinetara itxi egiten dira. Beste umeek baino laguntza gehiago behar dute, ulermen handiagoa eta euren bidean aurrera jarraitzeko orientazio terapia.

Eriki Kanner autismoa diagnostikatu zioten bi urte eta erdi zituenean. Ez zen inolako ezustekorik izan guretzako: ez zuen hitz egiten, ez zuen bere izenaz erantzuten eta bere jokorik gogokoena koilarak fila batean jartzea zen, behin eta berriro.

Desesperoan jausi aurretik, nire senarrak eta nik hasiera batetik oso argi izan genuen: modu estrukturatuan lan egin beharko genuen berarekin, helburu txiki batzuekin, lehenengo xedeak lortzen hasteko: hitzak, jolas funtzionala, interakzioa, kontzentrazioa, emozioak...

Estimulazio egoki batekin, gure umeek hobeto garatzen dira. Bizi diren mundu aldakorraren arauak ulertzen ikasten dute. Ezin dugu ahaztu guztiak garela berdinak, baina desberdinak.

Bi urteko terapia baten ondoren, Erik autismoaren etaparik gogorrenari aurre egitearen adibidea da, beste hainbat ume bezala. Ez da lan erraza, oso konstantea izan behar da, baina borrokalari txiki hauen aurrerapausu txiki guztiek indarra ematen dute aurrera jarraitzeko. Imaginatzen duzue zein poza ematen duen bere lehenengo ahotsak entzun eta ohartzea nola hitz hauek hizkuntz komunikatibo batean bihurtzen diren?

Autismoari buruzko informazioa falta da, gehinenetan diagnostikoa berandu dator, familia ugari ez dituzte errekurtso nahiko eta gizarteak sindrome honen ideia faltsu bat dauka, 1000 umeetatik, soilik bati eragiten diona. Horregatik, hainbat guraso batu gara autismoari buruzko ikuspegi erreal eta zabalago bat eskaintzeko asmoz.

Internet gure helburuak lortzeko tresna bat bihurtu da. Foroen, Wen orrien eta blogen bidez, familia askok euren esperientziak konpartitzeko aukera dute:lorpenak eta momentu gogorrak nola gainditu, adibidez.

Sarean, informazioa iturriak eta lanerako material egokia topatzeko lekuak asko hazi dira.

Hau izan zen blog honen jaiotza " Sonido de la hierba al crecer". Helburua, nire aukeren barruan, esperientziak konpartitzeko laguntza ematea da eta Eriken bilakaera egunez egun erakustea. Blogean, berarekin egindako ekintzak eta aktibitateak erakusten ditut, lanerako materiala lortzeko dokumentazioa eta baliabideekin batera. Autismoari buruzko hausnarketak ere azaltzen dira, ikuspegi baikor eta itxaropenarekin.

Erikekin samurtasuna momentuoro aurkitzen ikasi dut eta erraztasunaren bikaintasuna, denborarik gabea, larritasun gabea.
Askotan, elkarrekin belar gainean etsaten gara. ENTZUN AHAL DUZUE BELARA HAZTEN DENEAN SORTZEN DUEN SOINUA? MODU BERBEREAN AURRERATU EGITEN DU NIRE SEMEAK."


Hona hemen bere blogaren linka:
http://elsonidodelahierbaelcrecer.blogspot.com/

Erantzuna...

Behin, lagun batek honako bideo hau erakutsi zidan...





Benetan polita..
Orain nik.. honako bideo honekin erantzuten diot..

Kaixo!

Ongi etorri guztiei!
Ainhoa Martin dut izena eta Huar Hezkuntzako bigarren mailako ikaslea naiz. Blogaren gaia pentsatzeko eskatu zigutenean, berehala premia bereziko umeak etorri zitzaizkidan burura. Interesgarria iruditzen zaidalako euren mundua ezagutzea.
Beraz, blog hau sortu dut, batez ere, hezkuntzan arazoak dituzten umeak aztertzeko eta euren egoerak eta bizimodua ulertzeko.
Helburua, euren zailtasunak eta ikuspuntuak ulertzen saiatzea da. Horretarako arazoak dituzten umeei buruzko bideoak, berriak, egunkariak, argazkiak... erakutsiko dizkizuet.
Espero dut zuen gustokoa izatea!


Hasteko, nahiz eta atalik aspergarriena izan, autismo munduan satu aurretik garrantzitsua da zer den eta motak aztertzea, gehiago sakondu aurretik.

Leo Kanner-ek Sindrome hau deskribatu zuenetik, 45 urteotan autismoaren kontzeptuak interpretazio desberdinak eduki ditu, eta honek nahaste-borraste handia sortu du.

Gaur egun, eta OME-ren irizpideei jarraituz, aditu gehienek Autismoa, bizitzako hirugarren urtea baino lehen agertzen den jokabide-multzo bezala ulertzen dute; umea garapen normaletik oso bestelako bideetan barrena murgiltzen duten jokabide-multzo bezala, hain zuzen.

Gizarte-harremanerako ezintasuna duten umeak izan ohi dira. Adibidez, bere gurasoak etxean hara eta hona dabiltzanean ez diete jarraitzen; ezta begiradarekin ere. Ez zaie kontaktu edo ukipen fisikorik gustatzen. Ez dute lagunarteko irribarrerik; ezta kanpoko edo arrotzenganako beldurrik ere, ...

Mintzaira-garapenean atzerapenak eta trastornoak eduki ohi dituzte. Mintzaira polikiegi gara daiteke, batere ez garatu edota ongi hasi baina bapatean eten eta geratu. Horietatik erdiak, zerbait esaten ikasi dutenak, “ekolalia” deitzen zaiona edukiko dute, hau da, egiten zaizkien galderei erantzuteko oihartzun moduan galdetzailearen azken hitzak errepikatu egingo dituzte. Bestalde zu eta ni pertsonak ere nahasten dituzte.

Beren jostailuak erabiltzen ikasten ez duten umeak dira. Ez dute fantasia batere lantzen, eta beren jolasak suntsikorrak (apurtzaileak) dira; monotonoak, errepikakorrak.

Estimulu sentsorialekiko erantzuna ere alteratua eduki ohi dute ume hauek. Ume autista berberak, une diferentetan, desberdin erantzungo die estimuluei (argiei, soinuei, usainei, etab.i); batere ez batzuetan eta ikaragarri besteetan. Zenbaitetan txoratuta bezala egon-go dira horien aurrean. Bestetan berriz, ikusi edo antzeman ere ez dituztela egiten dirudi.

Beren garapena ez da harmonikoki koordinatzen. Ume hauengan garapenaren 3 faseen (motorearen, ezagutzaren eta sozialaren) koordinazio normala ez da burutzen. Ume hauen garapen-mailak gorabehera handiak dauzka, zenbait kasutan ume horiek beren adinari dagokiona baino maila altuagoan egoten direlarik.

Ume batek hiru urte bete aurretik portaera horiek guztiak dituenean, autista dela esan daiteke.




MOTAK

Autismoarekin erlazionatuak dauden sindrome eta egoera gehienak, espektro autistaren barruan koka ditzakegu. Espektro autistaren barruan hauek dira nahaste nabarienak: nahaste autista, garapenaren nahaste jeneralizatua, autismo atipikoa, eta Asperger nahastea. Hauekin batera, Rett nahastea eta haurtzaroaren desintegrazioaren nahasteak, osatzen dute garapenaren nahaste orokorren aukera nagusienak. Gaur espektro autismoaren nahastea, Asperger nahastea etaRett nahastea azalduko ditut:

• Espektro autismoaren nahastea. Nahaste hau daukaten pertsonek arazo sozialak eta komunikazioarenak izaten dituzte. jarrera errepikakorrak garatzen dituzte, eta beraien eguneroko bizitzan aldaketak ez dituzte gogoko. Espektro autismoaren nahastea duten umeek beste umeek ez bezala garatzen dira eta erritmo beretsuan ematen da garapena.
• Asperger sindromea. 1944an Asperger-ek lau kasu klinikoen berri eman zuen. Autismo era desberdinak erakusten zituzten eta bere adimen ahalmenak, bakoitzarenak desberdinak izan arren, Kanner-ek deskribatutakoenak baino garaiagoak ziren. Gaur egun eztabaidan dago, batzuentzat garapenaren arazo inbaditzailea osatzen du, besteentzat beranduago hasten den autismoaren era kliniko bat da, adimenaren eta hizkuntzaren atzerapenik gabekoa, funtzionamendu handiko autismoa izango balitz bezala. Nahaste hau duten pertsonek elkarrekintza arazoak, harremanetarako ez-ahozko arazoak, arazo psikomotoreak...etab izaten dituzte.
• Rett sindromea. Rett sindromea oso gaitz neurologiko arraroa da, munduan zehar, 12.000 edo 15.000 bizirik jaiotako nesketatik 1 jasaten du sindrome hau, bakarrik nesken artean ematen da, nahiz eta bariante bat izan, mutilak ere afektatzen dituenak. Sindrome honek X kromosoman egondako mutazio batekin zerikusia dauka. Sintoma nagusiak dardarak edo epilepsia, mikrozefalia, mugimendu ez-ohikoak, ataxia, erregrezio psikikoa...etab dira.

Hona hemen oso polita eta interesgarria iruditu zaidan bideoa. Benetan unkigarria!

bideoa.


( nahiz eta bideoan 3 minutuko iraupena izan, programa batekin bideo moztu dut interesgarriena erakusteko )